' | |
---|---|
Títol | Around the World in 80 Days |
![]() Póster d'a cinta. | |
Ficha tecnica | |
Dirección | Michael Anderson |
Producción | Michael Todd |
Guión adaptau | James Poe John Farrow S. J. Perelman |
Basau en | Le Tour du monde en quatre-vingts jours, novela de Jules Verne (1872) |
Musica | Victor Young |
Fotografía | Lionel Lindon |
Montache | Gene Ruggiero Howard Epstein |
Escenografía | James Sullivan Ross Dowd |
Vestuario | Miles White Marie Osborne |
Maquillache | Tom Smith |
Actors | Cantinflas David Niven Robert Newton Shirley MacLaine |
Color | Technicolor |
Narrador | Edward R. Murrow |
Datos y cifras | |
País(es) | Estaus Unius |
Anyo | 1956 |
Debantadera | 17 d'octubre de 1956 ![]() |
22 d'aviento de 1956 ![]() | |
Chenero(s) | Cine d'aventuras Cine epico Cine de comedia |
Durada | 182 min. |
Idioma(s) | Anglés |
Companyías | |
Productora(s) | Michael Todd Company |
Distribución | United Artists |
Presupuesto | 6 millons de dólars |
Recauto | 42 millons de dólars |
Informacions en bases de datos especializadas: | |
![]() ![]() ![]() ![]() ![]() ![]() ![]() ![]() ![]() ![]() ![]() ![]() |
Around the World in 80 Days (títol orichinal en anglés, en aragonés A vuelta a lo mundo en 80 días, enguerada en Aragón con o suyo títol traduciu enta lo castellano como La vuelta al mundo en 80 días) ye una cinta de cine d'aventuras epicas y de comedia de l'anyo 1956 dirichida por Michael Anderson seguntes un guión adaptau por James Poe, John Farrow y S. J. Perelman basau en a novela Le Tour du monde en quatre-vingts jours, publicada por Jules Verne en 1872. A dirección de fotografía ye de Lionel Lindon, a banda sonora orichinal ye un treballo de Victor Young y la producción cinematografica ye al cudiau de Michael Todd ta la suya productora cinematografica Michael Todd Company. L'elenco d'actors d'a cinta ye formau en os suyos papels protagonistas por Cantinflas, David Niven, Robert Newton y Shirley MacLaine, amás de cuantos cameos de destacaus actors y personaches publicos d'ixas envueltas, encluyendo-ie a lo torero espanyol Luis Miguel Dominguín.
A cinta conta la historia de Phileas Fogg, un clasico caballero d'a era victoriana, que bel día apuesta con os miembros d'o suyo club que con l'abance en o transporte moderno puede dar a vuelta a lo mundo en nomás que 80 días y apuesta 20.000 libras a que lo aconseguirá, y marcha enta l'aventura acompanyau de Passepartout, un criau a qui acababa de contractar, y perseguiu por Scotland Yard, que le creye autor d'un robo en o Banco d'Anglaterra. A cinta s'ambienta en a epoca d'o libro orichinal (1872) en Londres, París, Madrit, Echipto, Calcuta, Bombai, Hong Kong, Yokohama, San Francisco y Nueva York, y se rodó en Bangladesh, Colorado, Denver, Hong Kong, Chinchón (Comunidat de Madrit), Toledo, París, Nuevo Mexico, California, Bangkok, Londres, o golfo Persico, Tokio, Los Angeles, Arizona, en o mont Fuji, en San Francisco, en Hertfordshire, en Oise, en Pakistán, en Kyoto y en Oklahoma. Se tracta d'una cinta con cuantismos premios y nominacions, en destacando 5 Premios Oscar y 3 nominacions en a suya 29ena edición (encluyendo-ie l'Oscar a la Millor Cinta), y dos Premios Globos d'Oro y tres nominacions en a suya 14ena edición (encluyendo-ie o Globo d'Oro a la Millor Cinta Dramatica).